Besa fiton përballjen direkte në garën për titullin kampion ndaj Ferronikelit, duke rihapur garën një javë nga fundi i Raiffeisen Superliga e Kosovës. Skuadra pejane u mjaftua me një gol të shënuar nga Fatih Karahoda në minutën e 57 për të ndezur shpresën e tifozëve të pranishëm në stadiumin e qytetit të Pejës. Vendasit luajtën me një lojtar më pak që nga minuta e 70-të, pasi Florent Papuqi u ndëshkua me karton të kuq, pas dy të verdhëve, por Ferronikeli nuk arriti të vendoste barazpeshën, pavarësisht presionit që ushtroi në gjysmëfushën kundërshtare. Goli spektakolar i sulmuesit vendas i jep një 3 pikësh me shumë vlera Besës që shkon në kuotën e 63 pikëve, 3 më pak se Ferronikeli kryesues. Në takimet e tjera të javës së parafundit, Hajvalia kaloi Vëllaznimin 2-0, Drenica fitoi në fushën e Prishtinës 2-0, Trepça 89 u kalua nga Istogu 3-2, ndërsa Kosova e Vushtrrisë fitoi bindshëm ndaj Dritës 3-0. Në javën e fundit, Ferronikeli pret Prishtinën ku i mjafton edhe një barazim, ndërsa Besa viziton fushën e Vëllazënimit.

Pozita	Nd	F	B	H	SH	P	GD	Pikë
1Feronikeli	32	19	9	4	49	23	26	66
2Besa	32	19	6	7	48	36	12	63
3Prishtina	32	15	10	7	41	26	15	55
4Hajvalia	32	15	8	9	46	32	14	53
5Kosova (V)	32	13	11	8	35	25	10	50
6Trepça 89	32	12	12	8	51	34	17	48
7Istogu	32	12	6	14	41	45	-4	42
8Drenica	32	11	8	13	35	34	1	41
9Drita	32	9	9	14	28	37	-9	36
10Vëllaznimi	32	8	10	14	23	35	-12	34
11Trepça	32	4	7	21	17	53	-36	19
12Ferizaj	32	4	6	22	20	54	-34	18

Gazeta online “InfoSot” shpall konkurs për gazetar/e

Artikull i sponzorizuar