Krahasuar me 2013-ën, startupet e teknologjisë në Evropë po tërheqin edhe më shumë investitorë.

Sipas një raporti të ri nga GP. Bullhound, katër vite më parë, investimi më i madh ishte 250 milion Euro në Spotify dhe 700 milion dollar totali i pesë investimeve më të mëdha në startupe të ndryshme.

Në gjysmën e parë të 2017-ës kjo shifër ka shkuar në 2.1 miliard dollar. Në krye të listës është firma Britanike Improbable e cila mori një investim prej 502 milion dollarësh.

Jo shumë larg është kompania Gjermane Delivery Hero e cila mori një investim 423 milion dollar.

Edhe pse Unity ka selinë në San Francisco, origjina e tij është kryeqyteti Danez Kopenhagën. Zhvilluesi në fjalë i motorëve të lojërave mori një investim prej 400 milion dollarësh.

Listën e pesë investimeve më të mëdha në një kompani Evropiane për gjysmën e parë të vitit e mbyllin Farfetch me 397 milion dollar dhe Auto1.com me 385 milion dollar. /PCWorld Albanian