Interi ka kthyer shikimet kah sulmuesi anësor i Barcelonës, Malcom.
Malcom u transferua në verë nga Bordeaux te Barcelona për një shifër prej 40 milionë eurove.
Megjithatë, talenti brazilian ka dështuar ta tregojë veten te gjiganti katalunas dhe po konsideron largimin nga Camp Nou.
Interi njoftohet se ka ringjallur interesimin e tyre për Malcomin, i cili mund të largohet nga Barcelona në janar.
Mediumi ANSA citon një raport të gazetës Sport, i cili pretendon se Interi janë ‘përsëri në gjurmët’ për Malcom, i cili ia ktheu shpinën Romës për t’u bashkuar me Barcelonën gjatë verës.
Sulmuesi brazilian ka arritur të luajë vetëm 25 minuta në skuadrën e parë nga Camp Nou dhe kjo ka bërë që ai të mendoj largimin.
Tottenham Hotspur thuhet se kanë treguar interesimin më konkret për lojtarin pasi janë të gatshëm të paguajnë 50 milionë euro për të.
Në anën tjetër, Nerazzurët duan 21-vjeçarin vetëm në huazim, ashtu sikurse edhe Arsenali. /Telegrafi/
