“Në mesin e atyre që u vunë në anën e të drejtës sonë për jetë dhe liri, është edhe kongresisti Eliot Engel”.
Një falënderim nga zemra për kongresistin Engel, për SHBA dhe për gjithë të tjerët, për krejt çfarë kanë bërë e po bëjnë, që edhe një popull i vogël, të jetë në mesin e popujve të lirë të Evropës”, ka shkruar Haradinaj në Facebook.
Përfaqësuesi demokrat në Kongresin amerikan, Eliot Engel, mbajti të mërkurën një fjalim mbi politikën e Shteteve të Bashkuara karshi Kosovës, shkruan Lajmi.net.
Atje, kongresisti amerikan ka folur edhe për arrestimin e liderit të AAK-së, Ramush Haradinaj, ku ka theksuar se është e papranueshme që Serbia po abuzon me Interpolin për të synuar mbajtjen dhe ekstradimin e ish-kryeministrit të Kosovës.