Për shumë përdorues të smartfonëve, aplikacionet e kalendarit janë një mjet jetik për të qëndruar të organizuar dhe për të kujtuar se ku dhe kur duhet të jenë në çdo kohë.

Përdoruesit e iPhone në veçanti kanë dy zgjidhje standarde të disponueshme për ta: aplikacionin kalendarik i Apple, i cili mund të mbështesë ngjarjet tuaja në shërbimin iCloud të Apple dhe Google Calendar, të mundësuar nga inteligjenca artificiale e gjigantit të kërkimit.

Duke krahasuar Apple dhe Google ne dalim në përfundimin se softueri i Google është fituesi i qartë për këdo që kërkon të qëndrojë i organizuar dhe të ndjekë orarin e tij në mënyrë efikase.

Lehtësia e aksesit.

Të dy aplikacionet ofrojnë lehtësi sepse ofrohen falas me llogaritë dhe pajisjet e tjera që ndoshta tashmë i përdorni. Nëse përdorni Gmail, Google Drive ose ndonjë shërbim tjetër G Suite, ju tashmë keni qasje në Google Calendar përmes çdo shfletuesi. Gjithashtu ekziston një aplikacion falas Google Calendar për të dyja pajisjet Android dhe iOS.

Për fat të keq nuk ka një aplikacion të Google Calendar për kompjuterat Mac OS ose Windows 10. Aplikacioni i kalendarit të Apple vjen i parainstaluar në të gjitha pajisjet iPhones, iPads, Mac dhe pajisje të tjera të Apple OS.

Gjithashtu mund të arrihet nga një shfletues i internetit në çdo pajisje përmes llogarisë tuaj iCloud. Ashtu siç pritej, ju nuk mund ta gjeni këtë aplikacion në versionin për Android apo Windows.

Lehtësia e përdorimit.

Duke vështruar pamjen që Google Calendar ofron ne vëmë re praninë e një stili shumëngjyrësh dhe me hapësirë, që krijon një mjedis të rregullt dhe të organizuar në çdo faqe të aplikacionit.

“Shikimi i orarit” e bën këtë veçanërisht të lehtë duke shfaqur të gjitha ngjarjet e ardhshme në një listë të gjatë tërheqëse, vizuale, që është organizuar sipas datës.

Kalendari i Google automatikisht dekoron ngjarjet tuaja me këto imazhe të eventeve bazuar në titujt e tyre. Nga ana tjetër ,aplikacioni i kalendarit të Apple, ndjehet shumë më pak intuitiv dhe i arritshëm.

Dizenjuesit qartazi kanë zgjedhur efikasitetin përpara stilit. Ngjarjet e kalendarit janë shumë më të vogla se orari i zakonshëm javor, por preferenca e Apple për tekstin e vogël, të zbehur dhe ngjyrën minimale e bën pamjen shumë kaotike.

Integrimi

Kalendari Google punon në mënyrë të përsosur së bashku me aplikacionet e tjera të Google, si Gmail dhe Hangouts. Kalendari i Google gjithashtu është shumë lehtësisht i integruar me mjete të palëve të treta, veçanërisht ato të destinuara për vendin e punës, si Slack, Salesforce dhe Trello.

Dhe ndërsa kalendari i Apple komunikon mirë me aplikacionet e tjera brenda iCloud dhe ekosistemit të Apple, nuk është aspak  një zgjidhje universale ashtu siç Google Calendar është.

Për shembull, kalendari iCloud mund të skanojë mesazhet dhe e-mail-et tuaja për takime, por nuk vendos automatikisht një event në kalendarin tuaj. Dhe meqenëse aplikacionet e Google përdoren aq shpesh në zyra në të gjithë vendin, do të zbuloni se integrimet e palëve të treta me kalendarin iCloud janë më pak të zakonshme.

Ndarja e kalendarit dhe  eventeve

Kalendari Google është një lider në menaxhimin e kalendarit të punës, kryesisht për shkak të karakteristikave të tij të ndarjes, opsion të cilin kalendari i Apple nuk e ofron këtë shërbim për ata persona email-i i të cilëve nuk është ruajtur në kontaktet tuaja.

Njoftimet

Shërbimi i Apple dhe i Google ofron një sërë zgjedhjesh për t’ju njoftuar kur po afrohet një event në kalendarin tuaj, duke përfshirë edhe në formën e një e-mail-i ose një njoftimi shtytjeje ose asnjërën.

Për Google, kjo gjithashtu përfshin lejimin e përdoruesve për të vendosur njoftimet e paracaktuara që do të zbatohen për çdo ngjarje që ju vendosni në një kalendar të caktuar.

Në këtë mënyrë, nëse doni të merrni një njoftim pushimi 10 minuta para çdo takimi në kalendarin tuaj të punës, ju mund të ndryshoni cilësimin e parazgjedhur një herë dhe të gjitha ngjarjet tuaja të ardhshme do të dërgojnë automatikisht njoftimin e duhur.

Rregullimet
Platforma e Google lejon përdoruesit të vendosin preferenca për pothuajse çdo tipar të softuerit brenda vetë softuerit, si ndryshim i ngjyrave dhe densitetit të pamjes, duke mundësuar ose çaktivizuar disa funksione të caktuara dhe duke rregulluar cilësimet si zona kohore dhe privatësia.

Aplikacioni i kalendarit të Apple ofron shumë opsione të një njoftimi, por nuk i jep përdoruesit pothuajse aq shumë mundësi për të rregulluar cilësimet e tyre të paracaktuara në kalendarët e ndryshëm.

Dhe ndërsa Apple ofron disa mundësi për përshtatjen e aplikacionit, opsionet janë shumë më të kufizuara dhe shumë më të vështira për t’u arritur duke qenë se cilësimet e kalendarit të Apple menaxhohen përmes aplikacionit Settings në iOS, përshtatja e aplikacionit mund të jetë konfuze dhe e nderlikuar.

Privatësia e të dhënave.

Pengesa e shërbimit falas të Google dhe integrimeve të shumëfishta të aplikacioneve është se teknologjia e njëjtë e përdorur nga Google për të skanuar postën elektronike për ngjarjet kalendarike padyshim do të mbledhë dhe ruajë të dhënat tuaja personale.

Është e ngjashme me atë që Google bën me Gmail. Drejtuesit e Google nuk po shfletojnë në orarin tuaj personal për argëtim – e gjitha kjo konsiston në përpjekjet e Google për të zbuluar në atë se çfarë ju bëni dhe ku kaloni më shumë kohë, të ofrojnë atë që ju vërtetë dëshironi.

Nëse siguria e të dhënave është një çelës i marrëveshjes, kalendari i iCloud mund të jetë rruga e duhur. Enkriptimi end-to-end i Apple premton përvojën më të sigurt. Apple gjithmonë ka mbrojtur privatësinë e përdoruesit në programin e saj të softuerit dhe pajisjes dhe thotë se nuk mbledh asnjë të dhënë personale nga kalendari juaj.

PËRFUNDIMI: Google qartazi mund Apple kur është fjala për aplikacionet kalendarike. Platforma Google Calendar është më e shkathët, më e lehtë për t’u përdorur dhe më e përshtatshme, duke e bërë atë një zgjedhje më të mirë për përdoruesit e rastësishëm apo ata që nuk janë shumë të dhënë pas teknologjisë dhe jo vetëm. /PCWorld Albanian