Aktori Çun Lajçi ia ka dedikuar disa vargje rrëqethëse vajzës së tij, e cila u gjet e vdekur sot në lagjen “Dardania” në Prishtinë.
Vdekjen e një vajze në këtë lagje e ka konfirmuar sot për Gazetën Express edhe Policia e Kosovës. Sipas burimeve të Gazetës, ajo ka vdekur nga mbidoza.
Këto janë vargjet e Lajçit:
A këputet peni moj e mira ime
S’po t’shkruaj ma
Si herave tjera për t’iu kthye
Pendimit
Se nenin e lidhun n’fyt
E paske zhgjidhë vetëm,
Pa m’pritë mua nga rrugë e largët
Shpresash paske ikë mbramë
N’udhëtimin tand t’fundit
Diku n’Ashkelon
N’kërkim t’fatit e t’vajit
Oooo
Mos ma vajtoni
Se sherua qenka përgjithmonë
Tue kërkua gurin e vet të varri.
