EULEX-i prezanton raportin me gjetjet nga monitorimi i i gjyqësorit të Kosovës

09.10.2019 15:18
Rreshtat+- AShkronjat+- Printo
EULEX-i prezanton raportin me gjetjet nga monitorimi i i gjyqësorit të Kosovës

Më 8 tetor, EULEX-i e prezantoi raportin e tretë me gjetjet nga monitorimi sistematik dhe tematik në gjyqësorin e Kosovës para kryesuesit të Këshillit Gjyqësor të Kosovës, Skender Çoçaj, zëvendës-kryesuesit të Këshillit Prokurorial të Kosovës, Arben Ismajli, drejtorit të Shërbimit Korrektues të Kosovës, Nehat Thaçi, i cili përfaqësonte Ministrinë e Drejtësisë dhe përfaqësuesve të Zyrës së BE-së në Kosovë/PSBE dhe Ambasadës së SHBA-ve në Kosovë.

Gjatë prezantimit të këtij raporti, u.d. Shefi i EULEX-it, Bernd Thran, tha se monitorimi i thuktë i rasteve të përzgjedhura ka dëshmuar të jetë një mjet efektiv për vlerësimin e përputhshmërisë së sistemit të drejtësisë vendase me legjislacionin e Kosovës dhe standardet për të drejtat e njeriut.

“Puna e këtij Misioni në këtë fushë është e trefishtë: së pari, ne i identifikojmë trendet dhe dukuritë që ndikojnë në funksionimin e gjyqësorit; së dyti, ne japin rekomandime të cilat janë të përfshira në raport dhe së treti, aty ku është e mundur, hartojmë dhe zbatojmë projekte në bazë të zbrazëtirave të identifkuara për adresimin e këtyre gjetjeve. Një shembull për këtë është seminari i organizuar kohëve të fundit për fuqizimin e kapaciteteve të prokurorëve specialë dhe zyrtarëve ligjorë për ndjekjen penale të rasteve të terrorizmit”.

“Është me rëndësi që EULEX-i vazhdon të punojë krah për krah me institucionet e Kosovës për sundimin e ligjit ngase ne e kemi synimin e njëjtë: ta bëjmë sistemin e drejtësisë të qasshëm për secilin dhe të besueshëm për qytetarët”.

“Gjatë prezantimit të gjetjeve të këtij raporti, Udhëheqësi i Njësisë për Monitorimin e Rasteve, Hubert van Eck Koster tha se EULEX-i ka vërejtur një trend pozitiv nëpër seancat dëgjimore nëpër gjykata të cilat i ka monitoruar, me një rritje të dukshme të seancave dëgjimore produktive kundrejt atyre joproduktive. Duke komentuar rreth ritmit të shqyrtimit të rasteve të profilit të lartë të cilat më parë janë trajtuar nga EULEX-i, Van Eck Koster theksoi se ai “në përgjithësi mbetet i ngadaltë”.

Ky raport, i cili është vazhdimësi e dy raporteve të ngjashme të publikuara më herët gjatë këtij viti nga ana e EULEX-it në kuadër të Iniciativës “Drejtësia 2020”, përfshinë gjithashtu rekomandime të përshtatura për trajtimin e çështjeve të identifikuara përmes monitorimit të thuktë nga EULEX-i.

“Ky është një raport i mirë. Sipas gjetjeve që janë përfshirë aty, shihet se ka progres”, tha Kryesuesi i Këshillit Gjyqësor të Kosovës, Skender Çoçaj, duke e theksuar rëndësinë e faktit se raporti po ashtu përfshinë rekomandime konkrete për mënyrën e trajtimit të sfidave që kanë mbetur.

Zëvendës-Kryesuesi i Këshillit Prokurorial të Kosovës, Arben Ismajli, e përshëndeti raportin, “i cili përfshinë një numër të rekomandimeve të drejtpërdrejta për avancimin e sistemit prokurorial të Kosovës.”

U.d. Shefi i EULEX-it e mbylli prezantimin duke marrë fjalën.

“Shpresojmë që gjetjet dhe rekomandimet e përfshira në këtë raport do të jenë mjet i dobishëm në dispozicion të institucioneve të Kosovës për fuqizimin e sundimit të ligjit, kryerjen e reformave dhe të jenë vazhdimësi e përpjekjeve të kaluara dhe aktuale për përmirësimin e sistemit të drejtësisë.”

Njësia e EULEX-it për Monitorimin e Rasteve e bën vlerësimin e funksionimit të gjyqësorit të Kosovës në aspektin e përputhshmërive procedurale, ligjore dhe të drejtave të njeriut. Vlerësimi kryhet përmes monitorimit të thuktë sistematik dhe tematik të rasteve të përzgjedhura penale dhe civile, përfshirë, rastet e profilit të lartë dhe rastet që më parë janë trajtuar nga EULEX-i. Ky Mision e monitoron tërë zinxhirin e sistemit të drejtësisë penale, përkatësisht në nivelin e policisë, prokurorisë dhe gjyqësorit.

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


AIPAC fton Vuçiqin si folës, Twitteri vërshohet me kritika për “mohuesin e gjenocidit”

AIPAC fton Vuçiqin si folës, Twitteri vërshohet me kritika për “mohuesin e gjenocidit”

Koronavirusi: Shteti thotë se është “duke punuar që të ndërmerren të gjitha masat”

Koronavirusi: Shteti thotë se është “duke punuar që të ndërmerren të gjitha masat”

Kryeministri Kurti priti në takim delegacionin e Fondit Monetar Ndërkombëtar

Kryeministri Kurti priti në takim delegacionin e Fondit Monetar Ndërkombëtar

Kush janë tre kompanitë që kanë tregun më të madh të suplementeve në Shqipëri

Kush janë tre kompanitë që kanë tregun më të madh të suplementeve në Shqipëri

Vriten dy persona, viktimat motër e vëlla

Vriten dy persona, viktimat motër e vëlla

Lekaj: Nëse Qeveria Kurti vendos reciprocitet, unë nuk do të merrem me politikë

Lekaj: Nëse Qeveria Kurti vendos reciprocitet, unë nuk do të merrem me politikë

Pas 25 vitesh, Edi Rama i pari kryeministër që viziton Moskën

Pas 25 vitesh, Edi Rama i pari kryeministër që viziton Moskën

Ali Berisha: Taksa ndaj produkteve serbe është aset nacional për Kurtin

Ali Berisha: Taksa ndaj produkteve serbe është aset nacional për Kurtin

Thaçi në Uashington, fton think-tanket të bëhen pjesë e momentumit për Kosovën dhe Ballkanin Perëndimor

Thaçi në Uashington, fton think-tanket të bëhen pjesë e momentumit për Kosovën dhe Ballkanin Perëndimor

Nuk ka coronavirus në Kosovë, tri rastet e fundit dalin negative

Nuk ka coronavirus në Kosovë, tri rastet e fundit dalin negative

Ky është parashikimi i motit për dy ditët e ardhshme

Ky është parashikimi i motit për dy ditët e ardhshme

Mijëra qytetarë në vit heqin dorë nga nënshtetësia e Kosovës

Mijëra qytetarë në vit heqin dorë nga nënshtetësia e Kosovës

Infektologu Krasniqi: Rreziku nga përhapja e koronavirusit në Kosovë ekziston

Infektologu Krasniqi: Rreziku nga përhapja e koronavirusit në Kosovë ekziston

Zvicra konfirmon rastin e parë me koronavirus

Zvicra konfirmon rastin e parë me koronavirus

AAK mbledh nënshkrimet për seancë të jashtëzakonshme të Kuvendit për taksën

AAK mbledh nënshkrimet për seancë të jashtëzakonshme të Kuvendit për taksën

Ministrja Haxhiu: Do të ndihmojmë nënat vetushqyese dhe kujdestare të familjes

Ministrja Haxhiu: Do të ndihmojmë nënat vetushqyese dhe kujdestare të familjes