Klubi i Bundesligës, Borussia Dortmund do ta mbajë të riun amerikan, Christian Pulisic, deri në verën e ardhshme.
Mesfushori me tipare sulmuese ka vetëm edhe dy vjet të mbetura në kontratën e tij me klubin gjerman.
Paraqitjet e tij të mira kanë tërhequr interesin e klubeve të shumta, si Bayern Munich, Chelsea, Real Madridi dhe Manchester United.
Megjithatë, klubi i Bundesligës nuk dëshiron ta shesë këtë vit edhe përkundër interesimit të madh.
Është mediumit Daily Mail, që raporton se Borussia Dortmund po refuzon të shesë Pulisicin këtë afat kalimtar të verës.
Mënyra e vetme për ta shitur amerikanin është të bien dakord këtë verë rreth çmimit dhe që ai nuk do të largohet nga klubi deri pas përfundimit të sezonit.
Dortmundi dëshiron ta praktikoj shitjen e tij ngjashëm me marrëveshjen e Liverpoolit me Naby Keitan e RB Leipzig.
Çmimi i yllit amerikan mendohet të jetë 60 milionë euro. /Telegrafi/
