Ministri i Integrimeve Europiane Bekim Çollaku edhe një herë është shprehur i sigurt se qytetarët e Kosovës do të lëvizin lirshëm këtë vit.
“Jam shumë optimist që Komisioni Europian së bashku me shtetet anëtare nuk do ta shtyjnë në pafundësi vendimin për liberalizimin e vizave për qytetarët e Republikës së Kosovës. Unë qysh vitin e kaluar kam premtuar dhe kam siguruar qytetarët që viti 2016 do të jetë vit ku qytetarët e Republikës së Kosovës do të lëvizin lirshëm dhe pa viza’, tha Çollaku për RTK’në.
