Kolumbia është duke barazuar pas pjesës së parë në ndeshjen e grupit H.
Kolumbianët që u panë si favoritë kryesor kanë pësuar golin e parë në të gjashtën minutë nga Japonia.
Carlos Sanchez (Getty Images)
Ishte Shinji Kagawa që realizoi një penalti pas ndërhyrjes së palejuar të Carlos Sanchezit.
Ky i fundit mori edhe karton e kuq pas vetëm dy minuta e 56 sekondash, i cili rezulton të jetë i dyti më i shpejti në histori të botërorëve.
Theksojmë se rekordi mbahet nga Jose Alberto Batista i Uruguait, i cili u skuq vetëm pas 54 sekondash në përballjen me Skocinë në vitin 1986.
Sanchez u ndëshkua me të kuq pasi ndali me dorë topin brenda zonës së rreptësisë.
Golin e barazimit për kolumbianët e shënoi Quintero, gjashtë minuta para përfundimit të pjesës së parë.
Pos Japonisë dhe Kolumbisë, në këtë grup gjenden edhe Polonia dhe Senegali që do të takohen në ora 17:00. /Telegrafi/
What a horrible start to the World Cup for Colombia 🇨🇴. Great save by Ospina, but PK for Japan and red card for Sanchez pic.twitter.com/NHu5IlV8mW
— World Cup 18 (@Footy_Football_) June 19, 2018
