BE-ja thotë se tarifa po pengon agjendën e reformave evropiane të Kosovës

14.03.2019 15:54
Rreshtat+- AShkronjat+- Printo
BE-ja thotë se tarifa po pengon agjendën e reformave evropiane të Kosovës

Shefja e Zyrës së Bashkimit Evropian në Kosovë, Natalyia Apostolova, ka thënë se vendosja e taksës ndaj Serbisë është duke e penguar agjendën e reformave evropiane të Kosovës

Lansimi i Agjendës për Reforma Evropiane, ERA 2, po pengohet për shkak të kushteve politike dhe vendosjes së tarifës 100 për qind nga ana e Qeverisë së Kosovës për produktet e Serbisë dhe Bosnje e Hercegovinës, tha shefja e Zyrës së Bashkimit Evropian në Kosovë, Natalyia Apostolova.

“Ne jemi në fillimin e lansimit të ERA 2 dhe mendoj se do të bëjmë një ceremoni, por kur kushtet politike të jenë të favorshme, po flas për tarifat e vendosura të cilat po na pengojnë në vazhdimin e procedurave”, tha Apostolova në tryezën e Institutit të Prishtinës për Studime Politike, ku u diskutua zbatimi i Agjendës për Reforma Evropiane, raporton rel.

Ministrja e Integrimeve Evropiane në Qeverinë e Kosovës, Dhurata Hoxha nuk foli për konstatimet e zyrtares evropiane, Apostolova për tarifën dhe pengesën që ajo po i bën procesit të integrimit, por vetëm tha se, që nga fillimi i këtij procesi, janë zbatuar plotësisht 11 nga 22 prioritete dhe të tjerat janë në zbatim e sipër.

“Presim që gjatë vitit 2019 të rrisim dinamikën e zbatimit të prioriteteve dhe do të përpiqemi të tejkalojmë planet”, tha Hoxha.

ERA është dokument i përbashkët i Kosovës dhe BE-së nën Marrëveshjen për Stabilizim dhe Asociim dhe ka filluar së zbatuari më 11 nëntor 2016, në takimin e parë të Dialogut të nivelit të lartë në mes të Bashkimit Evropian dhe Kosovës.

Pakoja e ligjeve që ndërlidhen me integrimin evropian, është e madhe dhe në të bëjnë pjesë ligje nga sektorë të ndryshëm, si qeverisje të mirë, sundim të ligjit, konkurrencë dhe klimë të investimeve, edukim dhe punësim.

Mosmiratimi dhe vonesa në harmonizimin e këtyre ligjeve ndikon drejtpërsëdrejti në integrimet evropiane të Kosovës, kishte thënë ministrja Hoxha.

Vendimi i Qeverisë së Kosovës për taksën doganore 100 për qind ndaj produkteve nga Serbia dhe Bosnje e Hercegovina është në fuqi që nga 21 nëntor i vitit të kaluar.

Bashkimi Evropian po kërkon në vazhdimësi nga ana e Kosovës të heqë tarifën pasi ajo, sipas zyrtarëve të BE-së është në kundërshtim me marrëveshjen e tregtisë së lirë mes vendeve të rajonit si dhe po pengon vazhdimin e bisedimeve të ndërmjetësuara nga Bashkimi Evropian për normalizimin e raporteve ndërmjet Kosovës dhe Serbisë.

Edhe Shtetet e Bashkuara i kanë bërë thirrje Kosovës që ta heqë këtë masë, duke thënë se ajo nuk përkon me interesat amerikane.

Por, Qeveria e Kosovës, të paktën deri më tani, nuk është zmbrapsur nga vendimi për tarifën 100 për qind, i cili vazhdon të mbetet në fuqi.

Kryeministri Ramush Haradinaj thotë se ajo do të hiqet vetëm kur Serbia të njohë Kosovën.

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


BE-ja thotë se tarifa po pengon agjendën e reformave evropiane të Kosovës

BE-ja thotë se tarifa po pengon agjendën e reformave evropiane të Kosovës

Kërkohet paraburgim për personin që sulmoi fizikisht bashkëshorten e tij

Kërkohet paraburgim për personin që sulmoi fizikisht bashkëshorten e tij

Gashi takon drejtorin e Aeroports de Lyon: Më shumë linja ajrore për bashkatdhetarët

Gashi takon drejtorin e Aeroports de Lyon: Më shumë linja ajrore për bashkatdhetarët

Kryeprokurori Aleksandër Lumezi takoi ambasadorin e Zvicrës në Kosovë, Jean Hubert Lebet

Kryeprokurori Aleksandër Lumezi takoi ambasadorin e Zvicrës në Kosovë, Jean Hubert Lebet

Prokuroria ndalon një person për mashtrim

Prokuroria ndalon një person për mashtrim

Presidenti Trump mirëpret një marrëveshje tregtare me Britaninë

Presidenti Trump mirëpret një marrëveshje tregtare me Britaninë

Hoxha: Ngritja e kapaciteteve, prioritet yni i përbashkët me BE-në

Hoxha: Ngritja e kapaciteteve, prioritet yni i përbashkët me BE-në

Ndalohet një zyrtar, dyshohet për  përvetësimi në detyrë

Ndalohet një zyrtar, dyshohet për përvetësimi në detyrë

Vuçiq takon Moore: Të hiqet taksa, më pas vjen dialogu

Vuçiq takon Moore: Të hiqet taksa, më pas vjen dialogu

Hoxha: Agjenda për Reforma Evropiane po zbatohet me dinamikë të shtuar

Hoxha: Agjenda për Reforma Evropiane po zbatohet me dinamikë të shtuar

Përfundon seanca, vendimi për pezullim të pensioneve të veteranëve merret me shkrim

Përfundon seanca, vendimi për pezullim të pensioneve të veteranëve merret me shkrim

Lekaj arsyeton investimet në autostrada, deputetët kërkojnë të investohet në gjëra elementare

Lekaj arsyeton investimet në autostrada, deputetët kërkojnë të investohet në gjëra elementare

Hashim Thaçi: Duhet ta vazhdojmë luftën e pakompromis kundër korrupsionit

Hashim Thaçi: Duhet ta vazhdojmë luftën e pakompromis kundër korrupsionit

Gjykata nuk shpalos pjesët konfidenciale në rastin e veteranëve të rrejshëm

Gjykata nuk shpalos pjesët konfidenciale në rastin e veteranëve të rrejshëm

Veseli fton investitorët nga Japonia të investojnë në Kosovë

Veseli fton investitorët nga Japonia të investojnë në Kosovë

Ramush Haradinaj dekoron Rrustem Mustafën me medaljen ‘Skënderbeu’

Ramush Haradinaj dekoron Rrustem Mustafën me medaljen ‘Skënderbeu’