Barcelona ka fituar ndaj Sevillas me rezultat 4-2 në ndeshjen e vlefshme për javën e nëntë të kampionatit spanjoll, La Liga.
Skuadra e drejtuar nga Ernesto Valverde ka arritur të fitojë në Camp Nou ndaj Sevillas, duke iu rikthyer fitores pas katër ndeshjeve, ku pati tri barazime dhe një humbje.
Pjesa e parë e ndeshjes i takoi në tërësi katalunasve, të cilët përveç dominimit në posedim dhe raste, arritën të shënojnë edhe dy gola.
Goli i parë i ndeshjes erdhi pas vetëm dy minutave lojë, ku Philippe Coutinho shënoi për epërsinë 1-0 pas asistimit të Lionel Messi.
Pas asistimit, Messi (12′) gjeti edhe vet rrugën e golit duke shënuar një gol të bukur nga jashtë zona për epërsinë 2-0.
Momenti i golit nga Messi (Photo by Alex Caparros/Getty Images/Guliver)
Megjithatë, ylli argjentinas ishte i pafat duke u lënduar në dorën e djathtë gjatë një dueli të lehtë me Franco Vazquez dhe u detyrua të largohet nga loja në minutën e 26-të.
Messi teksa ndjen dhimbje të mëdha në dorën e tij (Photo by Alex Caparros/Getty Images)
Në pjesën e dytë, u zhvillua lojë më e barabartë, ku të dyja skuadrat arritën të shënojnë nga dy gola.
Barcelona arriti në minutën e 63-të të ngrit epërsinë në 3-0 me anë të Luis Suarez, i cili ishte i saktë nga penalltia, ndërsa Sevilla shënoi me anë të Pablo Sarabia (79′) për 3-1.
Festa e Suarezit pas golit të shënuar (Photo by Alex Caparros/Getty Images/Guliver)
Fundi i ndeshjes i sjelli edhe dy gola tjerë, ku Ivan Rakitic (88′) shënoi një gol të bukur për 4-1, ndërsa Luis Muriel (90+) vulosi rezultatin përfundimtar 4-2.
Pas kësaj fitore, Barcelona e sheh veten në pozitën e parë me 18 pikë, ndërsa Sevilla renditet në vendin e tretë me 16 pikë.
Në ndeshjen e radhës, Blaugranët e presin në shtëpi Real Madridin në El Clasicon e parë të sezonit, ndërsa Sevilla e pret Huescan. /Telegrafi/
GOAL! Philippe Coutinho (1-0) #BarçaSevilla pic.twitter.com/jSqIAYEasd
— Media Cules Goal (@mediaculesgol10) October 20, 2018
SARABIA scored the first for @SevillaFC
Follow to enjoy all goals goals on time ✅🔥#BarçaSevilla
pic.twitter.com/ga34hPzpwp— GoalsTV⚽️ (@goalstv77) October 20, 2018
Ivan Rakitić (@FCBarcelona) won’t celebrate scoring against his old club @SevillaFC but Will Bruin (@SoundersFC) will celebrate scoring against @HoustonDynamo.
Want a barometer of how far @MLS is from the world? There you go. pic.twitter.com/Cju6bGI9ii
— Victor Araiza (@victoraraiza) October 20, 2018
GOAAAL Muriel scored the second for @SevillaFC
Barca 4-2 Sevilla #BarçaSevilla pic.twitter.com/pR4FDXvaXC— GoalsTV⚽️ (@goalstv77) October 20, 2018
