Armand Çullhaj, boksieri 28-vjeçar nga Tirana që jeton prej vitesh në Gjermani, është shpallur kampion Evrope në federatën WBU.
Boksieri shqiptar, mposhti kundërshtarin e tij, çekun Ondrej Budera, në sfidën e peshave super të mesme.
Ndeshja zgjati 12 raunde dhe u dominua nga boksieri kuqezi gjatë gjithë kohës, transmeton ATSH.
Çullhaj arrin kështu të rrëmbejë titullin kampion Evrope në federatën WBU.
Për më shumë, duke mos i zhgënjyer të pranishmit e shumtë shqiptarë që e mbështetën fuqishëm në duelin e zhvilluar në qytetin e Munihut.
Me këtë sukses, Çullhaj regjistroi fitoren e 22-të si boksier profesionist, duke hedhur një tjetër hap të rëndësishëm në karrierën e tij të suksesshme.
Boksierit shqiptar mori titullin kampion, ndërkohë që djaloshi nga Tirana mbante flamurin kuqezi në duar.
