Kryetari i Komunës së Drenasti, Ramiz Lladrovci, përmes një postimi në Facebook, ka njoftuar se ka humbur jetën edhe një person me Covid-19 nga kjo komunë.

Ai ka kërkuar edhe njëherë nga qytetarët të respektojnë masat.

Kjo është vdekja e dytë nga Covid-19 në këtë komunë.

Ky është njoftimi i tij i plotë:

Të dashur qytetarë,

Sot, me dhimbje pranuam njoftimin nga ShSKUK, se nga komuna jonë, ka vdekur një qytetare e infektuar me covid-19.

Familjes Rrukiqi dhe miqve të saj i shpreh ngushëllimet më të sinqerta.

Ky është rasti i dytë i vdekjes së të infektuarve në komunën tonë dhe shpresojmë që të jenë të fundit në këtë betejë me virusin.

Ju lutëm të respektoni masat e nivelit qendror dhe rekomandimet e IKSHP-së.

Mbroni shëndetin tuaj, të familjes dhe shëndetin publik.