Këtë vikend, Juventus ishte mysafirë i Parmas në Serie A, ku arriti të regjistrojë një fitore me rezultat të thellë 0:4, ku golashënues ishin Dejan Kulusevski, Alvaro Morata dhe Cristiano Ronaldo me dy gola.
Në pjesë të dytë, Andrea Pirlo vendosi që ta zëvendësonte Ronaldon, kështu duke e larguar nga loja për t’ia liruar vendin Federco Chiesas në minutën e 82’, përcjell KosovaPress.
Interesant është fakti që edhe pse u zëvendësua, Ronaldo nuk pushoi në bankë rezervë. Ai filloi të bënte ushtrime për muskujt e barkut, dhe ushtrime me pesha, vetëm për të qenë aktiv dhe i gatshëm për sfidën e radhës.
