Pas shumë e shumë zërave, më në fund Arsenali ka arritur të sigurojë shërbimet e Denis Suarez.
Spanjolli fillimisht rinovoi me Barcelonën deri në vitin 2021, e pastaj kaloi te Topçinjtë në formë të huazimit.
Vazhdimi i kontratës ishte edhe kusht për lojtarin në rast se dëshironte një aventurë të re pasi nuk dëshironin të rrezikonin ta humbisnin si lojtarë të lirë.
25-vjeçari këtë sezon është paraqitur në tetë ndeshje në të gjitha garat, ku ka shënuar dy gola.
Lojtari iu bashkua Barçës në sezonin 2016/17 nga Villarreali, ndërsa për tre sezone te klubi katalunas shënoi tetë gola në 71 paraqitje.
Në të kaluarën ka luajtur edhe për Sevillan, Celta B dhe Barcelona B, ndërsa për Manchester Cityn nuk ka arritur të paraqitet në asnjë ndeshje.
Kalimi i tij në Emirates do të thotë se Ivan Perisic nuk do t’i bashkohet Arsenalit nga Interi. /Telegrafi/
OFFICIAL: Denis Suarez joins Arsenal on loan until the end of the season pic.twitter.com/cuztbuM81o
— B/R Football (@brfootball) January 30, 2019
