Marko Gjuriq, drejtor i Zyrës për Kosovën në Qeverinë e Serbisë, ka thënë se zona e këmbësorëve që është duke u ndërtuar në rrugën “Mbreti Peter” deri në cep të urës në pjesën veriore, do të jetë e ngritur mbi një metër mbi nivelin e urës, në mënyrë që nga jugu të mund të shkohet djathtas në “Lagjen e Boshnjakëve” dhe majtas në Suhadoll.

Serbët rrethojnë me rrjetë metali pjesën e rrugës prej “Tre soliterëve” deri në “Lagjen e Boshnjakëve”, në gjerësi sa është ura.

Drejtori i Zyrës për Kosovën në Qeverinë e Serbisë, Marko Gjuriq, i cili njëkohësisht është edhe shef i delegacionit serb në bisedimet me Prishtinën në Bruksel, ka siguruar serbët e veriut të Kosovës, se ura kryesore e Ibrit do të jetë plotësisht e mbyllur për qarkullim të automjeteve, pasi që zona e këmbësorëve, siç ka thënë Gjuriq, “do të jetë e ngritur mbi një metër mbi nivelin e urës dhe të udhëkryqit”.