Që prej pasdites së djeshme nuk ka asnjë komunikim dhe asnje sinjal nga marinari egjiptian i cili ka marre persiper pengmarrjen e peshkarexhes “Çelepia 2”, në bordin e së cilës ndodhen edhe dy marinarë shqiptarë Dhimitër Malja dhe Luan Mema. Tek autoritetet shqiptare nuk ka mbërritur asnjë informacion mbi koordinatat e vendndodhjes se peshkarexhës, për shkak se në mjetin lundrues është fikur blu boxi. Autoritetet shqiptare kanë kontaktuar homologet në Egjipt, por as prej andej nuk ka asnjë informacion për vendndodhjen. Ndërsa Forca Detare Shqiptare po vijon patrullimet në det të hapur në perpjekje për të lokalizuar peshkarexhen.
Adel Mohamed Sallam një ditë më parë kontaktoi me bashkëkombasin e tij, duke pohuar se anija “Çelepia 2” është marrë peng nga ai dhe ndodhet në portin e Aleksandrisë në Egjipt. Për lirimin kërkonte 70 mijë euro, në të kundërt kërcënonte me fundosjen e anijes bashkë me 2 marinarët shqiptarë. Për të konfirmuar pengmarrjen marinari egjiptian i ka dërguar pronarit të anijes Murat Çelepia, foton e njërit prej marinarëve të lidhur me litar e zixhir.
Ndersa vendi i fundit qe ka deklaruar se ndodhet është në afërsi të Aleksandrisë në Egjipt.
Për të hedhur dritë mbi pengmarrjen, motivin që ka detyruar egjiptianin të kryeje një akt të tillë, Prokuroria e Krimeve të Renda dhe Policia e Durrësit kane nisur hetimet paralelisht me autoritetet egjiptiane. Burime pranë Prokurorisë së Krimeve të Rënda pohuan për Ora News se ka dyshime të arsyeshme se edhe dy marinarët shqiptarë janë bashkëpunëtorë të shtetasit egjiptian për motive që ende mbeten të paqarta.
