![](https://infosot.com/wp-content/uploads/2016/04/zgjedhjet_ne_maqedoni.jpg)
Maqedonia sot dëshmoi se është shtet demokratik, ndërsa më me rëndësi për të ardhmen është se zgjedhjet kaluan në atmosferë të qetë, korrekte dhe demokratike, pa kurrfarë incidente serioze. Këtë e theksoi sonte në konferencë për shtyp në selinë e VMRO-DPMNE-së drejtori i Qendrës për komunikime të partisë, Ivo Kotevski.
“VMRO-DPMNE u uron qytetarëve dhe e përshëndet zgjedhjen e tyre. Sot qytetarët e Maqedonisë qetë dhe me dinjitet masivisht dolën që të votojnë, duke treguar se dëshirojnë t’i vihet fund krizës dyvjeçare në të cilën LSDM-ja e ka futur vendin”, theksoi Kotevski.
Ai shtoi se qytetarët kanë marrë mundësi dhe e kanë shfrytëzuar të drejtën e tyre në mënyrë demokratike dhe pa presione që ta shprehin vullnetin e tyre dhe ta rrethojnë opsionin që ata mendojnë se është më i mirë për ta dhe për më të afërmit e tyre.
“Qytetarët lirisht dhe në mënyrë demokratike votuan për ofertën që ata konsideronin se u siguron të ardhme me prosperitet”, tha Kotevski.
Duke iu përgjigjur pyetjeve të gazetarëve se me çka ka të bëjë dalja e madhe, ai tha se është herët të komentohet, por, siç shtoi, vlerëson se megjithatë ka të bëjë në motivimin e madh të qytetarëve dhe në atë që 20 ditët e kaluara në fushatë që e zbatuan të dy partitë, qytetarët kanë pasur mundësi të mirë të njoftohen me ofertën e VMRO-DPMNE-së dhe të LSDM-së dhe të pjesëmarrësve tjerë në zgjedhje dhe lirisht sipas vullnetit të tyre të vendosin çka është më së miri për ta dhe për të afërmit e tyre, shkruan alsat-m.