Ministri në detyrë i Shëndetësisë, Armend Zemaj ka thënë se edhe pse vendi është në fushatë zgjedhore ai s’do të ndalet së punuari në menaxhimin e pandemisë, raporton Ekonomia Online.
Zemaj gjatë vizitës që i ka bërë Spitalit të Mitrovicës, ku edhe ka ndarë mirënjohje për personelin për punën e bërë, ka thënë se ka punuar me të gjitha komunat, pavarësisht pozicioneve politike
“Rezultati më i mirë qe kemi arrit me bë është krijimi i fronit të përbashkët në menaxhimin e pandemisë. S’kemi anashkaluar asnjë komunë pavarësisht pozicioneve politike, unë kamë qenë i pavarur në këtë drejtim”.
“Jemi në fushatë zgjedhore dhe veprimet mund të shihen si politike, por jam zotuar se në asnjë moment s’do të ndalem në menaxhimin e pandemisë”, tha Zemaj.
Ai ka thënë se nuk pret që të këtë problem në shpërndarje e vaksinës anti-Covid.
“Vaksina kundër gripit sezonal është shpërndarë në mënyre shumë efikase dhe po besoj në të njëtnë mënyrë do ta shpërndajmë edhe atë kundër Covid-19”, ka thënë Zemaj.
