Deputeti i NISMA-s Zafir Berisha ka deklaruar se opozita po vazhdon të jetë këmbëngulëse në kërkesat e veta.
“Kryeministri duhet të zotohet qe do të hekë nënshkrimin nga marrëveshjet e nënshkruara në Bruksel. Pas kësaj duhet të nxirret një rezolutë e veçantë që të kushtëzohet veprimi i kësaj qeverie në të ardhmen”, ka thënë për RTK-në, Berisha.
Ai ka theksuar se paralel me angazhimin e tyre demokratik që janë duke bërë në Kuvend, pas peticionit do ti bashkërendisin veprimet e tyre në emër të qytetarëve dhe jo opozitës.
Berisha ka thënë se opozita është brenda rregullave të lojës.
