Kryetari i Lëvizjes Vetëvendosje, Visar Ymeri, në një konferencë të Opozitës së Bashkuar, ka thënë se zgjedhja e Hashim Thaçit president i vendit është joligjore pasi është bërë me intervenim të dhunshëm të forcave policore.
Ymeri ka theksuar se, sipas tij, Thaçi u bë president me “bekimin” e kryeministrit të Serbisë Aleksandar Vuçiq dhe pasojë e një procesi joligjor që do të kundërshtohet në protestat e ardhshme, njofton Klan Kosova.
“Ne konisderojmë që Thaci nuk mund të jetë president i Republikës së Kosovës, pasi zgjedhja e tij u bë me intervenim të dhunshëm”.
“Presidentin e Kosovës e zgjodhi bekimi nga Aleksandar Vuçiq. Rrjedhimisht sot Kosova e ka në majë të shtetit një njeri që nuk do të ishte aty pa përkrahjen e Qeverisë së Serbisë”.
“Ajo që ka ndodhur sot në Kuvendin e Kosovës është proces joligjor, që e ka rritur irritimin qytetar ndaj kësaj qeverie”.
“Të gjithë ata që do të bëhen pjesë e kundërshtimit do ta tregojnë këtë gjë”.
