Sistemi i fundit operativ i Microsoft-it arriti një shifër historike në këtë fundvit sa i përket instalimeve të pajisjeve. Windows 10 është instaluar tani në mbi 200 milionë pajisje. Kjo shifër është e rëndësishme për gjigantin softuerik, duke marrë parasysh se kanë kaluar vetëm 5 muaj nga lëshimi i sistemit të ri operativ.
Synimi i Microsoft-it është që Windows 10 të instalohet në 1 miliard pajisje për 3 vjet, një objektiv që kompania mund ta arrijë, duke marrë parasysh ritmin me të cilin po instalohet ky sistem i ri operativ.
