Distanca mes tyre në klasfikim është vetëm 5 pikë, por pavarsisht kësaj shefi ekzekutiv i Borussias së Dortmundit, Hans Joachim Watzke, mendon se verdhezinjtë nuk kanë mundësi për të rivalizuar Bayern Munich në garën për titullin kampion në Bundesliga. Borussia e ka rritur ndjeshëm nivelin e lojës së saj që nga momenti që drejtimin e skuadrës e ka marrë Tomas Tuchel duke regjistruar njëkohësisht edhe shumë rezultate pozitive. Megjithatë sipas Watzkes, forca e vërtetë e Dormtundit kundrejt Bayernit u pa në takimin e Alianz Arenas të cilën Borussia e humbi me rezultatin e thellë 5-1.
” Nuk ka sens të flasësh në këtë moment se Dormtundi mund të rivalizojë Bayernin. Në 11 javë kampionat ata lënë vetëm 2 pikë rrugës dhe kjo është një e dhënë që tregon realisht forcën e tyre. Nëse vazhdojnë kështu bavarezët nuk do të humbasin më shumë se 8 pikë deri në fund të kampionatit. Ne aktualisht jemi të përqëndruar vetëm të përmirësojmë paraqitjet tona. Nuk e kemi luksin për të menduar për titullin. Jemi në rrugën e duhur për momentin. Thomas Tuchel po bën një punë të shkëlqyer por duhet të vazhdojmë kështu. Sezoni është ende shumë i gjatë”.
Të Dielën Dortmundin e pret një ndeshje shumë e rëndësishme pasi verdhezinjtë në orën 15.30 do të sfidojnë Schalken në derbin e Ruhrit.
