Çitaku ka publikuar një fotografi në rrjetet sociale ku shihet bashkë me ish-shefin e CIA’s, Pompeon, që tash është sekretar i Shtetit.

“Pata kënaqësinë që ta takoj Sekretarin e shtetit Mike Pompeo”, shkroi ambasadorja në mbishkrimin e fotografisë.

Ajo tha se Kosova ka përkrahjen edhe nga administrata e Presidentit Trump, dhe Pompeo është një nga njerëzit në krye të shtetit që e njeh mirë Kosovën.

“Sekretari Pompeo e njeh shumë mirë Kosovën dhe ne jemi me fat që kemi pasur dhe e kemi mbështetjen e SHBA, pavarësisht ndryshimeve në administratën amerikane”, thuhet më tej në postimin e Çitakut. /Express/