Avokati Veton Rrecaj, ka bërë të ditur se transferi i mbi 2 milionë eurove nga Thesari i Shtetit, tek kompania që dyshohet se përfitoi nga këto mjete, u krye për tetë minuta.
Këtë ua ka thënë edhe vet i dyshuari Labinot Gruda gjatë një seance, dhe një diskutimi, lidhur me rastin e zhdukjes së mjeteve nga Thesari, njofton Klan Kosova.
”Në Gjykatë e ka sqaruar faktin që praktikisht është e pamundur, që thuhet se brenda tetë minutave, është bërë ky transaksion tek kompania”.
”Sa më ka thënë mua, ka qenë koha e drekës”.
”Nuk jam i sigurt nëse ka qenë në zyrë, por është e mundur që s’ka qenë fare”.
”Nuk ka thënë se ka parë diçka të jashtëzakonshme, sepse me kolegë të punës thotë se ka pasur raporte të mira”.
”Por interesi i personave të caktuar për të përfituar në mënyrë të kundërligjshme, nuk vjen në shprehje nganjëherë as kolegialiteti”
