Një vullnetar danez në një dyqan bamirësie të gjërave të përdorura ka gjetur rreth 50,000 korona (8,284 dollarë) në xhepin e një palltoje që po e përgatiste për ta vënë në shitje.

Sipas mediave të huaja, përcjell Telegrafi, bëhet fjalë për Jens Erik Christensen i cili i ka thënë një të përditshme rajonale se palltoja e gruas ishte në një qese me rroba të tjera të mbetura.

Christensen i tha mediumit lokal se se po kontrollonte zinxhirët dhe xhepat e xhaketës kur vuri re një “fryrje” në një xhep dhe gjeti disa para.

Ai tha se ishte “pak i befasuar”, por nuk hezitoi të thërriste policinë në mënyrë që të mund të hetonte se kush e kishte në pronësi pallton para se ta dhuronte atë. /Telegrafi/