Kadri Veseli ka thënë se e kanë obligim çrrënjosjen e ryshfetit dhe korrupsionit. Ka thënë se do të punojnë për forcimin e sistemit të drejtësisë për t’i denoncuar çdo rast korruptiv. Ka thënë se Kosova është vend evropian dhe i hapur për investime të huaja. Ka premtuar eliminimin e burokracive. Ka premtuar, po ashtu, dënimin e të gjithë atyre që abuzojnë me shtetin.
Qytetarët të lodhur nga gjuha e urrejtjes, kemi nevojë për politikë që garanton të ardhmenNë fjalimin e tij para simpatizantëve të PDK-së, një ditë pas zgjedhjes si kryetar, Kadri Veseli, ka thënë se qytetarët janë lodhur nga politika, por duhet të vazhdojnë të merren me politikë. Dhe për këtë, ai ka thënë se ka arsye të forta. “Dua të ju drejtohem qytetarëve që thonë se janë lodhur nga politika, disa prej të cilëve mund të jenë edhe në këtë sallë. Unë ju kuptoj shumë mirë juve! Nuk ke sesi të mos lodhesh nga një politikë që mbështetet tek përbaltjet dhe gjuha e urrejtjes mes nesh, tek debati shterp, tek mbajtja peng e vendit prej agjendave të padobishme të hakmarrjes. Kjo nuk i duhet Kosovës! Ky është një qark vicioz, që garanton vetëm varfëri, papunësi, izolim dhe prapambetje. Ne duhet të dalim prej tij, nëpërmjet një politike vizionare. Një nga mendimtarët më të mëdhenj, Edmund Bërk, ka thënë: Krejt çka duhet për të triumfuar e keqja është që njerëzit e mirë të mos bëjnë asgjë. E pra ju njerëzit e mirë të Kosovës, mos hiqni dorë nga politika. Mos e lini politikën në duart e njerëzve jo të mirë. Mos hiqni dorë nga ëndrra juaj për të ardhmen. Mos ju dorëzoni dëshpërimit, mos u largoni nga atdheu”, ka thënë Veseli.
