Një fëmijë në Vlorë ka humbur jetën në rrethana të dyshimta, duke bërë që të nisin hetimet për të zbuluar rrethanat e ngjarjes.
Rreth orës 09:42 të paradites së djeshme (e premte), në morgun e spitalit, është dërguar nga qendra e fëmijëve me prapambetje mendore, një fëmijë 4 vjeç, i cili ka ndërruar jetë gjatë rrugës.
Nga veprimet e kryera rezulton, se fëmija, ishte i sëmurë me diagnozë prapambetje e zhvillimit psikomotor. Dyshimet e para janë përqendruar në faktin e komplikimeve shëndetësore të të miturit, të stimuluara edhe prej sëmundjes nga e cila vuante.
Por me synim zbardhjen e detajeve të vdekjes së të miturit, materialet i’u referuan Prokurorisë së Vlorës, për vlerësim. Hetimet janë shtrirë në qendrën ku qëndronte fëmija, për të zbuluar nëse të miturit i është dhënë ndihma e nevojshme, ndërsa po merren në pyetje drejtuesit e institucionit dhe personeli.
