Policia e Kosovës ka njoftuar se, të mërkurën rreth orës 20:50, është raportuar një rast i dëmtimit të një varri nga persona të panjohur, në Kamenicë.
Sipas policisë, njësitë përkatëse kanë dalë në vendin e ngjarjes dhe tashmë kanë nisur hetimet për zbardhjen e rastit.
“DËMTIM I VARREZAVE APO KUFOMAVE
Kamenicë / 03.12.2025 – 20:50. Është raportuar se është dëmtuar një varr nga persona të panjohur. Njësitë përkatëse janë duke hetuar rastin”, thuhet në raportin 24-orësh të policisë./IndeksOnline/
