Djersa mund t’ju vë në pozitë të palakmueshme e në veçanti nëse djersiteni në masë të madhe dhe jeni në ndonjë takim zyrtar apo me miq në ndonjë kafiteri.

Dhe derisa djersitni djersë është diçka normale, por jo edhe në rastin e një pacienteje italiane e cila në vend të djersëve, djersin gjak, transmeton Telegrafi.

21-vjeçarja është shtrirë në spital, pasi për më shumë se tre vite ka djersitur gjak nga duart dhe fytyra. Edhe pse nuk kishte kurrfarë prerje apo ndonjë gërvishtje në fytyrë, ajo vazhdimisht ishte e mbuluar me gjak.

Gjendja e saj shëndetësore ishte aq e keqe, sa që kjo vajzë e re ishte izoluar derisa simptomat sa vijnë e shtoheshin për shkak të panikut dhe depresionit.

Pasi e mbikëqyrën pacienten dhe e trajtuan atë për depresion dhe ankth, mjekët në Firence të Italisë e diagnostifikuan me “hematohidrosis”, një gjendje e rrallë e “djersës gjak”.

Por, edhe sot, mjekët nuk e dinë ende se çfarë në të vërtetë po i shkakton asaj këtë gjendje, derisa disa prej tyre janë skeptikë për ekzistencën e saj.

Pasi i bën analizat e lëkurës, hulumtuesit konstatuan se nuk kishte kurrfarë anomalie, dhe ky rast ishte publikuar nga Canadian Medical Association Journal. /Telegrafi/