Veprimtari shqiptar në Amerikë, Uk Lushi përmes një postimi të tij në rrjetin social Facebook, ka thënë se është krenar që i ka shërbyer atdheut në ushtrinë tonë.
Ai madje ka thënë që listat e veteranëve nuk janë të plota dhe as plotësisht korrekte.
Lexojeni postimin e tij të plotë:
Krenar që i kam shërbyer atdheut në ushtrinë tonë. Listat nuk janë të plota dhe as plotësisht korrekte. Kërkoj që në listat e meritorëve të përfshihen të gjithë që kanë qenë bashkëluftëtarë si dhe të hiqen të paturpshmit të cilët duan të marrin diçka që nuk e meritojnë.
Sot kujtoj me dhimbje dhe respekt të gjithë ata që nuk jetuan të shohin ditën e lirisë dhe ripërsëris betimin se nuk do të ndalem së kontribuuari deri në ditën kur amaneti i plotë i shokëve dhe shoqeve tona të rëna do të realizohet!
Ne ushtarët vetëm kryem një detyrë normale ndaj atdheut. Lavdia dhe mirënjohja më e madhe u takon dëshmorëve dhe viktimave!
