U raportua për një shpërthim në Zveçan, deklarohet policia

E publikuar: 01/04/2025 03:08
Rreshtat+- AShkronjat+- Printo

Një shpërthim është raportuar se ka ndodhur te objekti i Postës në Zveçan, pak minuta pas mesnatës.

Lidhur me rastin, janë deklaruar nga Policia e Kosovës.

Zëvendësdrejtori për rajonin e veriut, Veton Elshani, ka thënë për Klan Kosova se rasti ka ndodhur rreth orës 00:30.

“Persona të lënduar nuk ka, janë thyer xhamat në një pjesë, por, s’mund të ndajmë më shumë informacione. Policia me njesitet relevante janë në vendin e ngjarjes aktualisht”, tha Elshani.

Ky nuk është incidenti i vetëm në pjesën e komunave veriore të Kosovës, pasi veç në vitin 2024, janë regjistruar plot 15 sosh.