Presidenti amerikan Donald Trump tha të mërkurën se po shqyrton furnizimin e sistemeve të raketave antiajrore Patriot për Ukrainën, duke i përshkruar ato si “një qind për qind efektive” bazuar në performancë.

“Do të shohim nëse mund t’i bëjmë disa të disponueshme. E dini, ato janë shumë të vështira për t’u siguruar”, u tha Trump gazetarëve në samitin e NATO-s në Hagë kur u pyet për dërgesat e mundshme në Ukrainë.

Trump theksoi efektivitetin e sistemeve, duke vënë në dukje: “Ne po i furnizonim ato Izraelit dhe ato janë shumë efektive, njëqind për qind efektive. Vështirë të besohet se sa efektive.”
Presidenti amerikan pranoi kërkesat e Ukrainës për sistemet e përparuara të mbrojtjes ajrore mes sulmeve ruse. “Ata e duan këtë më shumë se çdo gjë tjetër”, tha Trump.

Lexo po ashtuMeksika kërkon kompensim nga YouTube-ri MrBeast, për përdorimin komercialKur u pyet për mbështetjen shtesë financiare të SHBA-së përtej kontributit prej pesë miliardë dollarësh të aleatëve të NATO-s, Trump tha: “Do të shohim se çfarë do të ndodhë”.

Ai e përshkroi përfundimin e konfliktit në Ukrainë si “më të vështirë nga sa njerëzit mund të kenë ndonjë ide”, duke përmendur problemet me Vladimir Putin dhe Volodymyr Zelensky. Megjithatë, ai tha se një takim më herët të mërkurën me Zelensky ishte pozitiv, me udhëheqësin ukrainas që dukej i gatshëm t’i jepte fund luftimeve.

“Mendoj se është një kohë e shkëlqyer për t’i dhënë fund. Do të flas me Vladimir Putin për të parë nëse mund t’i japim fund”, tha Trump.

Zelensky tha se pati një takim “të gjatë dhe substancial” me Trump ku diskutuan se si të “arrihej një armëpushim dhe një paqe e vërtetë”, raporton KosovaPress.