Presidenti i 47’të i Shteteve të Bashkuara të Amerikës, Donald Trump, po mban fjalimin e tij të parë pas betimit si president, në ceremoninë që po zhvillohet në Kongres.
Fjalimin e tij, Trump e ka filluar duke thënë se “epoka e artë e Amerikës fillon tani”.
“Epoka e artë e Amerikës fillon pikërisht tani. Nga kjo ditë e tutje, vendi ynë do të lulëzojë dhe do të respektohet…Unë thjesht do të vendos Amerikën në vend të parë”, deklaroi Trump.
Trump u betua se “do të ruajë dhe mbrojë” Kushtetutën e SHBA-së.
“Betohem solemnisht se do të shërbej me besnikëri në Zyrën e Presidentit të Shteteve të Bashkuara dhe do ta bëj më të mirën për të ruajtur dhe mbrojtur Kushtetutën e Shteteve të Bashkuara”, tha Trump.
