Presidenti i SHBA-së, Donald Trump, e paralajmëroi Iranin të hënën, duke thënë se çdo përpjekje për të ndërprerë transportin e naftës përmes Ngushticës së Hormuzit do të shkaktonte një përgjigje “njëzet herë më të ashpër” sesa sulmet e mëparshme të SHBA-së.

“Nëse Irani bën diçka që ndalon rrjedhën e naftës brenda Ngushticës së Hormuzit, ata do të goditen nga Shtetet e Bashkuara të Amerikës njëzet herë më fort sesa janë goditur deri më tani”, tha ai në platformën e tij Truth Social.

Trump tha se SHBA-të do të shënjestronin vende “lehtësisht të shkatërrueshme” në Iran, duke e penguar potencialisht kombin të rindërtojë veten.

«Vdekja, Zjarri dhe Tërbimi do të mbretërojnë mbi ta — Por shpresoj dhe lutem që kjo të mos ndodhë!» shtoi ai.

Ai e paraqiti paralajmërimin si një gjest mbrojtës për tregtinë globale, duke i sjellë veçanërisht dobi Kinës dhe vendeve të tjera që varen shumë nga dërgesat e naftës përmes Ngushticës së Hormuzit, transmeton Anadollu Agnecy.

“Kjo është një dhuratë nga Shtetet e Bashkuara të Amerikës për Kinën dhe të gjitha ato vende që e përdorin shumë Ngushticën e Hormuzit. Shpresojmë që të jetë një gjest që do të vlerësohet shumë”, shtoi ai.