Policia e Kosovës ka njoftuar se ka arrestuar tre persona, nën dyshimin se kanë kryer veprën penale “trafikim më njerëz”.
Të arrestuarit janë një grua dhe dy burra.
Sipas raportit 24-orësh të Policisë ata dyshohet se kanë trafikuar një vajzë të mitur, e cila ishte raportuar e zhdukur.
“Një femër dhe dy meshkuj kosovarë janë arrestuar me dyshimin e bazuar se të njëjtit e kanë trafikuar viktimën e mitur femër kosovare, e cila ka qenë e raportuar si e zhdukur”, thuhet në raportin 24-orësh të Policisë.
Me vendim të prokurorit të dyshuarit janë dërguar në mbajtje.
