Tashmë me barazimin e Leicester dhe fitoren e Tottenham, rivaliteti për titullin e Premier Ligës ka marrë krejtësisht rrugë tjetër. Ku kanë mbetur edhe katër xhiro deri në fundin e kampionatit, Leicester prin tabelën me pesë pikë diferencë nga Spurs. Befasia e këtij sezoni, pra ekipi i Ranieri e ka një orar tejet të vështirë, ashtu si edhe ekipi i Pochettinos. Ndeshja e rradhës luhet si vendas ndaj Swansea, pastaj pritet një udhëtim i vështirë ndaj Manchester United. Everton do jetë ekipi tjetër që do udhëtoj në King Power Stadium dhe ndeshjen e fundit, Leicester e luan si mysafir ndaj Chelseat, e cila ka shuar çdo shpresë për plasmanin në Evropë. Spurs ndërkohë luajnë ndaj WBA si vendas, e pastaj luhet edhe derbi londinez ndaj Chelseat në Stamford Bridge. Tottenham luan si vendas edhe ndaj Southampton e ndeshjen e fundit e luan si mysafir ndaj Newcastle, e cila është tejet e rrezikuar për të rënë nga liga. Të shohim se çfarë do të ndodhë pas katër xhirove.
