Gjergj Meta
Tinguj mesjetarë në Kon- katedralen Katolike të Durrësit
Një qytet tremijë vjeçar si ai i Durrësit, me një histori ende të pazbuluar krejtësisht, e në pjesën më të madhe e groposur nën betonin e modernitetit, ka ende nevojë të zbulojë rrënjët e tij.
Kisha Katolike “Shën Luçia” në Durrës, që gjendet në një nga lagjet më të vjetra të tij, është e angazhuar të rikthejë në identitetin e saj një nga pjesët historike, jo vetëm arkitekturore, por edhe shpirtërore e shoqërore të qytetit. Kjo është arësyeja që herë pas here kjo Kishë, e cila u ndërtua në fund të shek XIX e fillim shekulli XX, së bashku me kompleksin e Arqipeshkëvisë, pret evnimente jo vetëm të karakterit fetar, por edhe kulturor, muzikor e letrar. I fundit ka qenë edhe koncerti i mrekulluesheëm me rastin e ardhjes së papës Françesku që u organizua nga Ministria e Kulturës në bashkëpunim me famullinë e shën Luçisë.
Një nga këto veprimtari është edhe ajo që do të mbahet të djelën me 17 maj në orën 19.00. Eshtë një koncert nga kori toskan me emrin “Cantus Anthimi”.
Ky kor ka linudr pranë Abacisë së shën Antimit në Siena të Italisë nga një grup murgjish Premostratens nën udhëheqjen e mjeshtrit Livio Picotti. Repertori që do të kendojë ky kor është i gjithi i traditës më të mirë të këngës monodike gregoriane e deri te polifonitë e para të rilindjes europiane, nga himni Akathistos te Ildegard von Bingen, muzikë që shkon nga shekulli XI deri në shekullin XV. Një pasuri e vërtetë që luhet në këtë kishëz të vogël të qyteti bregdetar.
Është për t’u përmendur që ky kor po bën një tour në Shqipëri i gjithi me shpenzimet e veta vetëm për të na dhënë ne kënqësinë e dëgjimit të një periudhe muzikore shumë intersante për ne. Kushedi që këto këngë do të zgjojnë brenda nesh ato nota të mbetura në kodet tona gjenetike nga një mesjetë e ndritshme të cilën aq pak e njohim…
