Komisioni Europian nuk do ta ndryshojë pozicionin e tij karshi Serbisë dhe hapjen e kapitujve për këtë shtet, pozicioni i këtij institucioni është i ditur, ka thënë për Vecernje Novosti, zëdhënësja e Komisionit Europian, Maja Kocijançiq, njofton Klan Kosova.
Kjo ishte përgjigje e Kocjançiq pasi është pyetur nga mediumi serb rreth një shkrimi të Deutsche Welles, e cila duke u thirrur në një dokument të Ministrisë së Punëve të Jashtme të Gjermanisë, shkruante se Komisioni e ka ndërmend të bëjë “disa modifikime të buta”, sa i përket kërkesave të tyre ndaj Serbisë.
Është thënë se Brukseli do të plotësojë kërkesën e Kroacisë që të kërkojë nga Serbia ekstradimin e tre radikalëve serbë në Tribunalin e Hagës – Vjeriqa Rade, Peter Jojiq and Jovo Ostojiq.
Kjo besohet se është një nga tre kërkesat e Kroacisë për Serbinë me kusht që të vazhdohet me hapjen e kapitujve 23 dhe 24, njofton Klan Kosova.
