Zëvëndës kryeministri i Kosovës Hashim Thaçi shkruan se e vlerëson vendimin e Gjykatës Kushtetuese që mundëson procedimin e mëtutjeshëm për themelimin e Gjykatës Speciale nga Kuvendi i Republikës së Kosovës.
Ky vendim sipas Thaçit duhet të jetë inkurajues për përmbushjen e zotimit ndërkombëtar të institucioneve dhe gjithë spektrik politik të Kosovës.
“Themelimi i Gjykatës Speciale nuk duhet të konsiderohet si një detyrim apo ndëshkim për Kosovën, por si rrugë e vetme e drejtë për t’u përballur me dyshimet e ngritura. Lufta e jonë për liri ka qenë e drejtë dhe asnjë gjykatë nuk mund ta vëjë në pikëpyetje atë. Kosova gjithmonë ka qenë dhe do të mbetet në anën e drejtësisë.”, ka shkruar Thaçi ndër të tjerash në Faceboiok./Indeksonline/
