Presidenti i zgjedhur i Kosovës, Hashim Thaçi në një Intervistë për televizionin publik Zviceran “SRF”, ka folur për gjendjen politike në Kosovë, për marrëdhëniet me Zvicrën, si dhe për prioritet e tij si president i ri i Kosovës.
Si të arritur kryesore, Thaçi prezanton bashkimin e popullit të Kosovës rreth qëllimeve dhe këtë e prezanton si fuqinë e tij kryesore. Ai ka thënë se gjatë viteve të ‘90-ta të shekullit të kaluar ka arritur të bashkojë popullin rreth një qëllimit të lirisë, e ma 2008 rreth shpalljes së pavarësisë.
“Jam shumë i bindur që do të bashkoj popullin edhe në rrugën drejt BE-së dhe NATO-s”, është shprehur Thaçi.
“Unë kam luftuar me të gjitha mjetet diplomatike dhe politike kundër prezencës serbe në Kosovë. Por, lufta ime nuk ishte e drejtuar kundër serbëve në Kosovë. Procesi i normalizimit është çelësi i suksesit si për Kosovën ashtu edhe për Serbinë. Ne nuk dëshirojmë të mbesim peng të së kaluarës. Përkundrazi. Ata që kritikojnë dialogun ndërmjet Kosovës dhe Serbisë i pyes: Cila është alternativa nëse jo dialogu? Çfarë, nëse nuk ka normalizim? Një konflikt i ri?”, ka thënë Thaçi.
