Ish-kreu i vendit Hashim Thaçi ka folur për sulmin terrorist të 24 shtatorit 2023 në Banjska të Zveçanit.

Ai në një intervistë ekskluzive për Rubikon të Klan Kosovës ka kërkuar hetime të thella së bashku me ndërkombëtarët.

“Kosova kishte në dorë edhe shkopin edhe karotën, si ndodhi të shfaqen mbi tetëdhjetë njerëz të uniformuar dhe të armatosur, me dhjetëra kilometra në brendësi të territorit të Kosovës? Si ndodhi tolerimi i largimit të tyre qetësisht në pikë të ditës sikur të ishin “krushq të lirisë” e jo atakues të lirisë dhe shtetit? Si erdhi deri te kjo ngjarje?

Vetëm drejtësia në bazë të një hetimi të thellë dhe të gjerë bashkërisht me ndërkombëtarët në një proces transparent mund ta zbardhë të vërtetën. Kosova e vërteta i duhet më shumë në raport me ndërkombëtarët, sesa për të kënaqur opinionin publik”, ka thënë Thaçi, transmeton KosovaPress.