Tetë persona kanë humbur betejën me Covid-19 në 24 orët e fundit në Kosovë, ka njoftuar Instituti Kombëtar i Shëndetësisë Publike. Sipas raportit të së enjtes, sot janë regjistruar edhe 301 raste të reja nga testimi i 2325 mostrave, që paraqet shifër rekorde deri tash të testimeve.
Rastet e vdekjes janë nga Deçani (91-vjeç), Gjakova (75-vjeç), Gjilani (85-vjeç), Malisheva (82-vjeç), Obiliqi (70-vjeç), Prishtina (61-vjeç), Skenderaj (74-vjeç) dhe Vushtrria (54-vjeç).
Me këto vdekje, shifra e të vdekurve nga Covid-19 në Kosovë që nga fillimi i pandemisë ka arritur në 1479.
Deri tash janë regjistruar 58 mijë e 988 raste pozitive, ndërsa janë 5991 raste aktive./eko/
