Të shtëna me armë zjarri janë shënuar sonte në hyrje të Shkodrës.
Policia ka bërë të ditur se nga këto të shtëna ka mbetur i plagosur një 17-vjeçar, shkruan Euronews.al.
Bëhet e ditur se policia është duke punuar për sqarimin e rrethanave të ngjarjes.
“Rreth orës 18:10, në vendin e quajtur “Harku i Berdicës”, shtetasi G. D., dyshohet se ka plagosur me armë zjarri një 17-vjeçar, banues në Bërdicë, i cili ndodhet jashtë rrezikut për jetën”.
“Shërbimet e Policisë janë vënë menjëherë në ndjekje të autorit. Grupi hetimor në drejtimin e Prokurorisë po punon për sqarimin e rrethanave të ngjarjes”, thuhet në raportin e policisë.
