Një vajzë ka arritur të gjejë një person tjetër që i ngjan aq shumë sa mund të ishte binjakja e saj, por që në fakt nuk ka asnjë lidhje gjaku me të.
Niamh Geaney, një 26 vjeçare nga Dublini, bashkë me dy miq të saj kishte nisur një projekt i cili synonte që secili prej tyre të arrinte të gjente një person tjetër shumë të ngjashëm me veten brenda 28 ditësh dhe më pas të takohej me të.
Në mënyrë të pabesueshme dhe falë magjisë së rrjeteve sociale, Niamh e gjeti binjaken e saj, Karen Branigan, 29 vjeçe e lindur në Irlandë, vetëm një orë me makinë larg banesës së saj, kështu që vajzat nuk e patën të vështirë të linin një takim që të njiheshin më nga afër.
“Isha tmerrësisht nervoze se si do të reagoja teksa takoja një njëri që dukej njësoj si unë, – ka rrëfyer Niamh. – Gjatë gjithë kohës së takimit nuk ja shqisja dot sytë asaj dhe thosha me vete: ‘Zot i madh, ajo është fytyra ime’”.
