Shefi i Grupit Parlamentar të Aleancë për Ardhmërinë e Kosovës (AAK), Besnik Tahiri, ka thënë se sonte në seancën e Kuvendit ka ndodhur “puçi parlamentar dhe shembja e demokracisë”.
Ai është shprehur se Kuvendi i Kosovës duhet të respektojë procedurat e rregullta të thirrjes së seancave parlamentare.
“Sonte po ndodh puçi parlamentar dhe shembja e demokracisë! Kuvendi i Republikës së Kosovës duhet të respektojë procedurat e rregullta të thirrjes së seancave parlamentare”.
“Shmangia nga logjika normale parlamentare në pikë të natës, pa asnjë urgjencë është puç parlamentar dhe kontrabantim i Ligjeve pa konsultimet që i ka obligim ti bëjë Kuvendi”, ka shkruar Tahiri në Facebook.
