Një dron që vrau ushtarë të ushtrisë amerikane dhe plagosi dhjetëra të tjerë në Jordani të dielën iu afrua postës ushtarake amerikane, Kulla 22, afërsisht në të njëjtën kohë që një dron amerikan po kthehej në bazë, gjë që çoi në pasiguri nëse sistemi ishte një dron armik, i thanë CNN dy zyrtarë amerikanë.
Pasiguria vonoi reagimin e ShBA. Nuk është e qartë nëse droni ndoqi qëllimisht dronin amerikan apo nëse ishte një rastësi, tha një nga zyrtarët.
Zyrtarët amerikanë gjithashtu po vlerësojnë ende pikën e origjinës së dronit.
Droni goditi pranë ambienteve të banimit të bazës të dielën, thanë zyrtarët. Të paktën 34 ushtarakë amerikanë u plagosën, duke përfshirë tetë të cilët duhej të evakuoheshin për mjekim në qendrën mjekësore Landstuhl në Gjermani.
Ata janë në gjendje stabile/kk/
