Të paktën 13 persona kanë mbetur të vdekur në Argjentinë, pas një stuhie të fortë që goditi bregdetin e Atlantikut të vendit të Amerikës së Jugut.
Federico Susbielles, kryebashkiak i Bahia Blanca, konfirmoi numrin e të vdekurve në një postim në X.
Qyteti është afër majës jugore të provincës Buenos Aires, një nga rajonet më të mëdha të prodhimit të drithit në Argjentinë, raporton Reuters.
Në një deklaratë, zyra e Presidentit të Argjentinës Javier Milei ofroi ngushëllime për familjet e viktimave dhe rekomandoi që vendasit të qëndrojnë brenda shtëpive të tyre deri të dielën në mëngjes, duke përmendur erërat shkatërruese në zonë që tejkalojnë 150 km/h (93 mph).
