Derbi është gjithmonë derbi dhe trajneri i Romës Luciano Spalletti pavarsisht formës së dobët që ka shfaqur Lazio në këtë sezon, kurresesi nuk e konsideron një ndeshje të lehtë për skuadrën e tij sfidën ndaj bardhekaltërve të Piolit.
” Derbi është një ndeshje që të dhuron gjithmonë emocione të vecanta. Kjo sfidë përcakton gjithashtu një etapë të rëndësishme për ne në garën për tu kualifikuar në Champions League sezonin e ardhshëm. Do të më pëlqente që ta luanim këtë sfidë, me armë të barabarta, këtu i referohem faktit që do të ishte më mirë që Lazio të pozicionohej afër nesh në klasifikim. Gjithsesi na pret një ndeshje e vështirë sepse për ta një fitore ndaj nesh vlen sa një sezon i tërë, dhe e kemi të qartë që duhet të djersimë shumë për të fituar”.
I pyetur nga gazetarët në lidhje me Francesco Tottin, Spalletti u shpreh se kapiteni mund të luajë futboll edhe për 5 apo 6 sezone të tjera, ndërkohë që dha një mendim edhe për mungesën e tifozëve ultras në derbin e kësaj të Diele, me stadiumin Olimpico që nuk parashikohet të ketë më shumë se 30 mijë spektatorë.
” Do të kisha shumë dëshirë, të dëgjoja të flitej gjatë gjithë javës për një projekt me një stadium të mbushur plotë e për plotë. Mendoj se për tifozët ultras është sakrificë e jashtëzakonshme të mos jenë të pranishëm në një sfidë të tillë. Mendoj se duhet të gjehet një zgjidhje sa më shpejtë”.
Nga kampi kundërshtar trajneri Lazios Stefano Pioli deklaroi se skuadra e tij duhet të bëjë gjithcka për ta fituar këtë sfidë pasi vetëm kështu mund ta bënte më pak hidhur këtë sezon që për Lazion nuk ka qenë aspak pozitiv.
